C++ haqida
C++ ommabop dasturlash tillaridan biri bo'lib, kompyuter dasturlari tuzishda va turli hisob kitoblarni amalga oshirishda ishlatiladi.
Ushbu tildan yuqori unumdorlikdagi ilovalarni ishlab chiqishda foydalaniladi. Shuningdek, o'yinlar tuzishda tezlik talab qilinuvchi qismlariga ko'proq C++ dasturlash tilida kod yoziladi.
C++ cross-platform ya'ni bir nechta platformalarda ishlay oladigan ilovalar tuzish imkonini beruvchi dasturlash tili hisoblanadi. Ushbu yondashuv Windows, macOS, Linux kabi turli xil muhitlarda hamda iOS va Android kabi mobil platformalarda yagona kod bazasini saqlash, kompilyatsiya qilish va amalga oshirishga imkon beradi.
MA'LUMOT
Qulay bo'lishi uchun keyingi o'rinlarda dasturlash tili atamasini qisqartirib til deb yuritiladi.
C++ tili Bjarne Stroustrup tomonidan C tilining kengaytirilgan shakli sifatida ishlab chiqilgan va ikkala til ham deyarli bir xil yoziladigan sintaksisga ega.
C++ dasturchilarga tizim resurslari va xotirasi ustidan yuqori darajadagi nazorat qilish imkonini beradi.
| E'lon qilingan yili | ISO/IEC Standarti | Norasmiy nomi |
|---|---|---|
| 2014 | 14882:2014 | C++14, C++1y |
| 2017 | 14882:2017 | C++17, C++1z |
| 2020 | 14882:2020 | C++20, C++2a |
| EQK:2024 | 14882:2024 | C++23, C++2b |
ESLATMA
Mavzularni chap tomondagi menyu asosida ketma-ket o'rganib borishingizni maslahat beramiz.
C++ was developed by Bjarne Stroustrup, as an extension to the C language.
C++ gives programmers a high level of control over system resources and memory.
The language was updated 4 major times in 2011, 2014, 2017, and 2020 to C++11, C++14, C++17, C++20.
Ilk dastur kodi
FOYDALI ESLATMA
Har bir darsda berilgan misollarning natijasi ham ostida berilgan. Ularni o'zingizning qurilmangizda sinab, tahrirlab ko'rishingiz mumkin. Hozircha saytda xavfsizlik yuzasidan onlayn kompilyator qo'shishning iloji yo'q. Ammo, buning ustida ham ishlayapmiz.
#include <iostream>
using namespace std;
int main() {
cout << "Salom, Dunyo!";
return 0;
}Natija
Salom, Dunyo!Vazifalar haqida
Bilimlaringizni tekshirish uchun har bir dars so'ngida maxsus vazifalar beriladi. Ularni bajarib, o'rganganlaringizni mustahkamlab borishingiz mumkin.
MA'LUMOT
Ayni vaqtda sizning vazifalaringizni tekshiruvchi bo'lim ustida ishlar olib borilmoqda. Shu sababli vazifalarni o'zingiz bilan rost bo'lgan holda ishlashingiz tavsiya qilinadi.